Helikopteri i cili po barte presidentin e Kolumbisë, Iván Duque, është gjuajtur me armë zjarri, afër kufirit me Venezuelën.
Presidenti Duque ishte duke fluturuar drejt Cucutas, në provincën Norte de Santander.
Një zëdhënës i presidencës ka thënë se askush nuk ka pësuar lëndime si pasojë e këtij akti. Ndërkohë, vetë presidenti e ka dënuar atë, duke e quajtur “një sulm qyqar”, duke shtuar se nuk frikësohet nga “dhuna apo aktet e terrorizmit”.
“Vendi ynë është i fortë dhe Kolumbia është e fortë që t’i përballojë këto lloj kërcënimesh”, ka thënë Duque në një adresim përmes një videoje në Twitter.