Frederico Chiesa pranon se ndeshja ndaj Spanjës do të jetë goxha e vështirë për Italinë. Por, ai shpreson që me Italinë ta arrijnë kualifikimin në finale të “Euro 2020”. Ndeshja gjysmëfinale në mes të Italisë dhe Spanjës do të zhvillohet të martën në Wembley.
“Do të jetë një ndeshje shumë e vështirë kundër Spanjës”, ka thënë Chiesa për “Sky Sport Italia”.
“Ata e mbajnë topin shumë, siç duam të bëjmë ne. Do të jetë ndeshje e vështirë, por si ato me të cilat jemi përballur deri më tani. Ata kanë një formë tjetër të lojës, luajnë 4-3-3, por ne jemi më dinamikë në fushë me ndërrime të rolveve si në sulm ashtu edhe në mbrojtje. Nuk është se jemi të frymëzuar nga Spanja, por kemi pothuajse të njëjtat ideologji. Mbajtja e topit, presioni lartë dhe përpjekja për të dominuar kundërshtarin tonë. Padyshim që zhvillimet në fushë janë të ndryshme. Spanja e ka bërë atë për disa vite, por ne përdorim zotërimin tonë të topit për ta finalizuar, për të pasur më shumë raste shënimi, për të qenë më sulmues dhe për të dominuar”, ka thënë Chiesa.
Ai ka theksuar se Italia ka mesfushorë të shkëlqyer.
“Ne kemi një mesfushë fantastike. Është e bukur të për një sulmues të ketë mesfushor të mirë sepse gjithmonë topi vjen në kohën e duhur”, është shprehur ai. Ish-futbollisti i Fiorentinës ka folur edhe për bashkëlojtarin te Juventusi, Alvaro Moratan. Ai ka thënë se Morata e ka ndihmuar atë të ambientohet më shpejtë te Juve.
“Ne kemi biseduar dhe e kemi përgëzuar njëri-tjetrin për suksesin. Ne do të përshëndetemi, unë e dua atë. Ai ishte një nga lojtarët që më ndihmoi të përshtatem më mirë kur arrita te Juve. Do të jetë mirë ta takoj në këtë gjysmëfinale”, ka thënë Chiesa.
