Një vizatim i vogël i kokës së një ariu nga Leonardo da Vinci pritet të shitet për 12 milion £ (16.7 milion dollarë) në një ankand në Londër.
Me përmasa 7x7cm, koka e Ariut është më shumë se 500 vjeç.
Shitja mund të tejkalojë rekordin e mëparshëm për një vizatim të da Vincit, të vendosur nga Horse dhe Rider në 2001.
Sipas shtëpisë së ankandeve Christie’s, që zhvillon ankandin, ajo është midis disa vizatimeve nga mjeshtri italian i Rilindjes, të cilat janë ende në pronësi private.
Piktura është midis një numri të vizatimeve të kafshëve në shkallë të vogël të artistit, të cilat datojnë në fillim të viteve 1480.
Laetitia Masson, një eksperte në vizatimet e vjetra në Christie’s, e përshkroi pikturën të realizuar me “një teknikë shumë të vështirë, sepse nuk pranon me të vërtetë asnjë gabim”.
Ai përfshin aplikimin e një shkopi argjendi në një letër të përgatitur posaçërisht për të lënë gjurmë dhe vija, që kërkon prekje delikate dhe presion.
Zonja Masson tha se Leonardo ishte i magjepsur nga natyra dhe kafshët në përgjithësi.
Skica më parë i përkiste piktorit dhe koleksionistit britanik Sir Thomas Laërence, para se të shitej në Christie’s në 1860 për 2.50 £.
Por kësaj here Christie’s parashikon që ajo do të arrijë nga 8 milion deri në 12 milion, duke mos përfshirë tarifat.
Leonardo da Vinci, i cili lindi në 1452 dhe vdiq në 1519, është i famshëm për artin dhe shpikjet e tij.
Në vitin 2017, një pikturë 500-vjeçare që besohet se ishte pikturuar nga da Vinci u shit në Nju Jork për një rekord prej 450 milion dollarësh (341 milion).
I njohur si Salvator Mundi (Shpëtimtari i Botës), shitja përfaqësonte çmimin më të lartë të ankandit për çdo vepër arti.
