Kryeministri i Britanisë së Madhe, Boris Johnson, do të vetizolohet pas testit pozitiv të ministrit të Shëndetësisë, Sajid Javid.
Javid ka thënë të shtunën se ka rezultuar pozitiv me COVID-19 pavarësisht se ka marrë dy doza të vaksinës, megjithatë kishte vetëm simptoma të lehta.
Fillimisht u tha se Johnson do të merrte pjesë në një event të testimit të pilotëve gjatë ditës së sotme dhe se nuk ka nevojë për vetizolim, por një zëdhënëse e zyrës së kryeministrit konfirmoi se pjesëmarrja në atë ngjarje është anuluar dhe se kryeministri ka bërë një kthesë në vendimin e tij të mëparshëm.
Përveç Johnson, në vetizolim do të jetë edhe kancelari i Thesarit, Rishi Sunak.
Britania në tre ditët e fundit ka regjistruar mbi 50 mijë raste pozitive, shifra më të larta se sa muaji janar. Shkencëtarët kanë paralajmëruar se vendi dhe bota do të kalojë një katastrofë nëse Johnson nuk ndryshon planet se që nga e hëna pothuajse të gjitha kufizimet të hiqen në ishull.
