Izraeli dhe SHBA-ja kanë kritikuar një projektligj të miratuar nga Dhoma e Ulët e Polonisë, sepse, sipas mendimit të tyre, ai parandalon pronarët e mëparshëm polakë, përfshirë të mbijetuarit e Holokaustit dhe pasardhësit e tyre, që të rimarrin pronën e tyre.
“Unë dënoj legjislacionin që dëmton kujtesën e Holokaustit dhe të drejtat e viktimave të tij”, e kritikoi ashpër projektligjin në Tëitter ministri i Jashtëm izraelit, Yair Lapid.
“Polonia e di se cila është gjëja e duhur për të bërë, për të shfuqizuar ligjin”, shtoi ai.
Sejmi polak (dhoma e ulët) miratoi, më në fund, të mërkurën një ndryshim në Kodin e Procedurës Administrative përsa i përket mundësisë së vënies në dyshim të vlefshmërisë së vendimeve administrative në lidhje me kthimin e pronës, ndër të tjera.
Në përputhje me ligjin e ri, gjykatat mund të shqyrtojnë ankesat në lidhje me vendimet administrative mbi pronën vetëm nëse ato janë bërë brenda 30 viteve të mëparshme.