Të paktën 50 mijë afganë të evakuuar duhet të priten në Shtetet e Bashkuara pas rënies së Kabulit në duart e talebanëve, tha Ministri Amerikan i Sigurisë, Alejandro Mayorkas.
Majorkas tha se pranimi i afganëve ishte pjesë e “angazhimit të përhershëm” të Uashingtonit ndaj njerëzve që ndihmuan amerikanët gjatë luftës në Afganistan dhe të tjerëve që u kërcënuan nga ardhja e talebanëve në pushtet.
Më shumë se 40 mijë afganë kanë kaluar tashmë kontrollet e sigurisë dhe kanë mbërritur në Shtetet e Bashkuara.
Ende nuk dihet me saktësi se sa të tjera do të vijnë në Shtetet e Bashkuara ose sa kohë do të marrë procesi i transferimit të tyre nga vendet e tjera, të cilat i kanë pranuar përkohësisht.
Që nga 15 gushti, kur talebanët morën Kabulin dhe kështu morën pushtetin në pothuajse të gjithë vendin, rreth 130 mijë njerëz janë evakuuar me aeroplan nga Afganistani, shumë prej të cilëve janë ende në vendet tranzit.
