Një kartel publikoi pamjet shqetësuese që thuhet se tregojnë momentin kur 20 rivalët e tij u rreshtuan krah për krah, para se të ekzekutoheshin në Meksikën jugperëndimore.
Sipas mediave mbështetësit e Los Tlacos akuzuan anëtarët e rivalit La Bandera për ‘zhvatjen dhe vrasjen e njerëzve të pafajshëm’ para se t’i detyronin të gjunjëzoheshin dhe t’i merrnin në pyetje me armë në mes të një pylli në shtetin Guerrero.
Banda La Bandera thuhet se është një krah i armatosur i Guerreros Unidos, karteli i lidhur me rrëmbimin e 43 studentëve në vitin 2014 në Ayotzinapa.
Të paktën katër nga trupat e viktimave u gjetën të hedhur në bagazhin e një makine që ishte lënë e braktisur para zyrës së fushatës së kryebashkiakut të Iguala David Gama Pérez të mërkurën në mëngjes.
Nuk dihet nëse eshtrat e 16 viktimave të tjera janë gjetur.
Një anëtar i armatosur i maskuar i Los Tlacos vazhdoi të pretendonte se udhëheqësi i La Bandera, Chucho Brito është një aleat i ngushtë i kryebashkiakut të zgjedhur Gama Pérez.
“Njerëz nga Iguala, këtu janë të gjithë ata që zhvatën para dhe që po vrisnin njerëz dhe gra të pafajshëm”, tha anëtari i kartelit që mbante armë. “Plehrat që e kishin të tmerruar këtë qytet të bukur. Ne u thamë atyre dhe ka ardhur koha, ky terren tashmë ka një pronar”.
Ai eci përgjatë vijës dhe drejtoi armën në kokën e dhjetë anëtarëve të La Bandera, duke u kërkuar atyre të identifikoheshin.
