Avokati Dorjan Matlia pretendon se RTSH se nuk ka hapur garën për drejtues pas shkarkimit të Gëllçit nga detyra ndaj dhe duhet dëmshpërblyer me 5 paga.
TIRANË– Zhvillohet seanca në Gjykata Administrative për ish-drejtori i RTSH-së, Thoma Gëllçi. Ky i fundit ka paditur RadioTelevizionin Shqiptar për shkarkimin e tij nga detyra, ndërsa para trupës gjykuese avokati i tij kërkon anulimin e vendit. Dorjan Matlia pretendon se RTSH ka shkelur statutin, duke marrë një veprim për shkarkimin e tij përkundër rregullores që përcakton ligji.
Po ashtu, Avokati i tij Dorjan Matlija është shprehur në këtë seancë gjyqësore, e cila drejtohet nga gjyqtarja Afërdita Maho, se Këshilli Drejtues i Radio Televizionit Shqiptar ka shkelur statutin, duke marrë një veprim për shkarkimin e tij përkundër rregullores që përcakton ligji.
“Më datë 20 maj, është mbledhur Këshilli Drejtues i RTSH dhe vendosi që Gëllçi të mos qëndrojë më në detyrë. Statuti parashikon se kjo mbledhje duhej të kërkohej nga një e treta e Këshillit Drejtues. Është bërë një mbledhje me votim të hapur, ligji nuk e parashikon këtë gjë. Ende nuk është hapur një garë për Drejtorin e Përgjithshëm të RTSH dhe kanë kaluar pesë muaj. Ai e ka gati platformën dhe kërkon të rikandidojë përsëri”, deklaroi avokati.
Sipas avokatit Matlija, Gëllçi është i paraburgosur, por ai vazhdon të kërkojë rikandidmin e tij për këtë post. Ai tha se ish-kreut të RTSH i është shkaktuar një dëm moral dhe kërkon që klienti i tij të shpërblehet me 5 paga për shkarkimin nga posti.
“Kërkojmë që pala e paditur të hapë garën dhe t’i japë mundësi Gëllçit për të rikandiduar sërish”, tha avokati i tij.
Kërkesat e Thoma Gëllçit:
Anulimi i vendimit të shkarkimit si akt i paligjshëm.
Detyrimi i palës së paditur të paguajë në favor të paditësit një shpërblim dëmi në masën e pagave mujore që ai do të përfitonte që nga dita kur është liruar nga detyra deri në momentin e fillimit të detyrës së dejtorit të ri të RTSH.
Detyrimin e palës së paditur të paguajë në favor të paditësit pagën e 3 muajve për mosrespektim të afateve të njoftimit për zgjidhjen e marrëdhëniesve të punës.
Detyrimin e palës së paditur të paguajë në favor të paditësit pagën e 2 muajve për mosrespektim të procedurës së zgjidhjes së marrëdhënies së punës.
Detyrimin e palës së paditur të paguajë në favor të paditësit për pagën e 5 mujve si shpërblim vjetërsie në punë.
Detyrim të paaguajë dëmshpërblim me vlerën 100.000 lekë për dëmin moral në formën e cënimit të reputacionit në shkaktuar përmes publikit të lajmit të shkarkimit nga detyra.
Detyrimin e palës së paditur të shpallë të hapur garën për drejtuesin e ri duk e i dhënë mundësinë paditësit të ushtrojë të drejtën e tij për të rikandidaurnë detyrën e dejtorit të RTSH
Ish-drejtori i RTSH bashkë me tre punonjës akuzohen për pabarazi në tendera dhe abuzim me detyrën në kohë kur Gëllçi ishte në krye të RTSH. Ishte tenderi me vlerë mbi 86 milionë Lekë për blerje të pajisjeve për kanalin “RTSH Agro” që çoi në pranga ish-drejtorin e RTSH-së Thoma Gëllçin. Fillimisht shkeljet u kallëzuan nga kompania humbëse dhe më pas u konstatuan edhe nga një audit i Kontrollit të Lartë të Shtetit.
