Ambasadori i Britanisë në Kosovë, Nicholas Abbott, vlerëson se dialogu Kosovë – Serbi është në një fazë të vështirë.
Abbott në një intervistë për “Kossev” ka thënë se asnjëra palë në dialog nuk e ka të qartë se çfarë përfaqëson dialogu në të vërtetë.
“Mendoj se është në një fazë të vështirë. Një fazë shumë të vështirë. Nuk besoj se ndonjëra palë ndanë vizionin e përbashkët se çfarë përfaqëson ai dialog. Dhe ajo çfarë nevojitet vërtetë është një lloj mendimi thelbësor për atë që ne po përpiqemi të arrijmë përmes këtij procesi”, ka thënë Abbott.
Ndërkohë sa i përket se çfarë kërkon Kosova në dialog, ai ka thënë se është e qartë se kërkon njohjen e ndërsjellë dhe po ashtu mundësinë që të anëtarësohet në Kombet e Bashkuara.
