Vala e katërt e variantit të ri Omicron, me rritjen e vazhdueshme të shtrimeve në spital, mund të shkaktojë anulimin e 100,000 operacioneve me zgjedhje në Angli nga tani deri në shkurt 2022, sipas një studimi të koordinuar nga Universiteti i Birminghamit, i botuar nga ‘The Lancet’.
Studiuesit zhvilluan një model për të vlerësuar ndikimin e shtrimeve me Covid-19 në operacionet me zgjedhje duke filluar nga të dhënat e njohura për periudhën shtator 2020-korrik 2021. Sipas modelit, gjatë dy javëve të para të tetorit, 5000 shtrimet me Covid-19 në spital shkaktuan një ulje prej 21.9 % të operacioneve me zgjedhje krahasuar me periudhën para pandemisë, në praktikë llogariten 14,348,000 ndërhyrje më pak në javë.
Parashikimet vlerësojnë se nëse do të arriheshin 10,000 pacientë me Covid-19 të shtruar në spital, ulja e aktivitetit kirurgjik me zgjedhje do të ishte 27,6%, e barabartë me 18,000 operacione më pak në javë.
Nëse numri i shtrimeve me Covid-19 do të kthehej në nivelet e prillit 2020 (rreth 17,000), numri i operacioneve do të binte në 33,9%, i barabartë me 22,147 seanca kirurgjikale më pak në javë, krahasuar me periudhën para pandemisë.
Studiuesit paralajmërojnë se pritet të anulohen deri në 100,273 operacione me zgjedhje nga dhjetori 2021 deri në shkurt 2022.
