Të paktën 26 persona u vranë dhe më shumë se 3 000 të tjerë u arrestuan pas protestave antiqeveritare që tronditën qytetin kazak Almaty, raportoi radio shtetërore ”Khabar 24”.
Fokusi i protestave në ish-republikën sovjetike, e pasur me naftë dhe gaz, ka qenë në Almaty, që ndodhet në juglindje të vendit, ditët e fundit.
Almaty është epiqendra ekonomike dhe qyteti më i madh në Kazakistan. Protestuesit sulmuan ndërtesat qeveritare, u vunë flakën makinave dhe plaçkitën biznese.
Presidenti Kassym-Jomart Tokayev tha se “operacionet kundër terrorizmit” duhet të vazhdojnë derisa “rebelët të shpërbëhen plotësisht”.
Në Almaty, ku trazirat kanë qenë veçanërisht të dhunshme, protestuesit e armatosur thuhet se janë fshehur në ndërtesën e një stacioni televiziv.
Tokayev planifikon t’i drejtohet popullit kazak në një fjalim sot në mesditë.
