Ukraina ka akuzuar Rusinë se po përpiqet ta bllokojë hyrjen e saj në det, ndërsa Rusia përgatitet për stërvitjet detare javën e ardhshme.
Ministri i Jashtëm ukrainas Dmytro Kuleba ka thënë se Deti Azov është plotësisht i bllokuar dhe Deti i Zi është pothuajse plotësisht jashtë sistemit.
Rreth 100,000 trupa ruse janë vendosur tashmë pranë kufijve tokësorë të Ukrainës.
Kjo vjen pasi Rusia dhe Bjellorusia filluan 10 ditë stërvitje të përbashkëta ushtarake pranë kufirit Bjellorusi-Ukrainë.
Bjellorusia është një aleat i ngushtë i Rusisë dhe ka një kufi të gjatë me Ukrainën.
Ndërkohë, kryeministri i Mbretërisë së Bashkuar Boris Johnson ka thënë të enjten se Evropa përballet me krizën e saj më të madhe të sigurisë në dekada.
Stërvitjet detare të Rusisë do të zhvillohen javën e ardhshme në dy detet në jug të Ukrainës, Detin e Zi dhe Detin Azov. Rusia ka lëshuar paralajmërime bregdetare duke përmendur ushtrimet e gjuajtjes me raketa dhe armë zjarri.
Ministria e Jashtme e Ukrainës tha se “zona e paprecedentë e gjerë ku do të kryhen manovrat e bën lundrimin në të dy detet praktikisht të pamundur” dhe Ministri i Mbrojtjes Oleksiy Reznikov shkroi në Tëitter se ujërat ndërkombëtare të dy deteve ishin bllokuar nga Rusia.
