Platforma e re e mediave sociale e ish-presidentit Donald Trump do të dalë të hënën në Apple App Store.
Në tetor, Trump njoftoi se po lansonte platformën, të quajtur “Truth Social”, për të “qëndruar kundër tiranisë së Big Tech”.
Ajo është duke u lansuar në kuadër të Grupit të Medias & Teknologjisë Trump të krijuar së fundmi, nën të cilin Devin Nunes shërben si shef ekzekutiv.
Burimet i thanë Reuters të enjten se rreth 500 përdorues beta po përdornin tashmë aplikacionin Truth Social, përcjell Telegrafi.
Të shtunën, media raportoi se kishte parë pamjet e postimeve të Truth Social të bëra nga shefi i produktit duke thënë se aplikacioni do të publikohej të hënën.
Nisja e Truth Social do të shënojë kthimin e Trump në mediat sociale pasi ai u ndalua nga Twitter, Facebook dhe YouTube vitin e kaluar pas kryengritjes në Kapitol më 6 janar.
