Carlo Ancelotti tashmë ka titullin që i mungonte, atë të La Ligas. Me fitoren në kampionatin spanjoll, trajneri italian bëhet trajneri i parë në botë që fiton titullin në pesë ligat kryesore.
Italia, Anglia, Gjermania, Franca dhe Spanja janë qenë ‘vendet’ e pushtuara nga Carletto me klube si Milanin, Chelsean, Bayernin, PSG-në dhe Real Madridin.
62-vjeçari ka fituar trofeun e 22-të të karrierës së tij të shkëlqyer si trajner.
Fitorja e Real Madridit në La Liga për sezonin 2021-2022 ka bërë që Carlo Ancelotti të shkruajë histori.
Real Madridi vulosi kurorën të shtunën me një fitore 4-0 ndaj Espanyol, me dy gola të Rodrygos dhe nga një gol të Marco Asensio dhe Karim Benzema.
Ndërsa ishte një ditë historike për klubin, ajo shënoi gjithashtu një triumf të madh personal për trajnerin e tyre.
Me cilat klube i fitoi Ancelotti titujt?
Ancelotti fitoi titullin e Serie A me AC Milan në vitin 2004, një vit pasi ai udhëhoqi skuadrën e tij drejt lavdisë së Ligës së Kampionëve.
Kjo është ndoshta çudi, pasi është i vetmi titull i ligës që ai ka fituar në Italinë e tij të lindjes.
Titull tjetër i kampionit për Ancelottin vjen gjatë periudhës së tij me Chelsean, pasi ai i drejtoi Blutë drejt suksesit në Ligën Premier në sezonin 2010.
Në vitin 2013 ai do të vazhdonte të fitonte, kësaj radhe në Ligue 1 me Paris Saint-Germain përpara se të siguronte lavdinë e titullit të Bundesligës për Bayern Munich në sezonin 2016-17.
Tani, në periudhën e tij të dytë si trajner i Real Madridit, ai ka qenë në gjendje të fitojë trofeun e La Ligës, me Los Blancos që sigurojnë titullin e kampionat katër ndeshje pa u mbyllur.
Sa trofe ka fituar gjithsej Ancelotti?
Ancelotti tani ka fituar 22 trofe në total gjatë një karriere të jashtëzakonshme e cila ka zgjatur më shumë se 25 vjet.
Më poshtë i gjeni trofetë e fituar dhe klubet ku ai drejtoi.
