Pretendohet se informacionet e inteligjencës së SHBA-së kanë ndihmuar që Ukraina të fundosë kryqëzorin raketor rus “Moskva”.
Nga SHBA-ja është bërë një pretendim i ri në lidhje me fundosjen e anijes, teksa është ende kuriozitet se si u godit nga Ukraina kryqëzori “Moskva”, anija flamurtar i Rusisë në Detin e Zi.
Kanali i lajmeve NBC, në lajmin e tij të bazuar mbi zyrtarë amerikanë, pretendon se informacionet e inteligjencës së SHBA-së kanë ndihmuar ushtrinë ukrainase që të fundosë kryqëzorin rus “Moskva”.
Në lajm pretendohet se sulmi ndodhi pasi forcat ukrainase pyetën amerikanët rreth një anijeje që lundronte në Detin e Zi në jug të Odessa-s dhe se ukrainasit vendosën në objektiv anijen pasi inteligjenca amerikane e identifikoi anijen si “Moskva” dhe pasi ndihmoi për konfirmimin e vendndodhjes së saj.
Në anën tjetër u pretendua se SHBA-ja nuk kishte dijeni më parë se Ukraina do të vendoste në objektiv anijen “Moskva” dhe se ajo nuk ka ndërhyrë në vendimin për sulm.
Bëhet e ditur gjithashtu se SHBA-ja ka përcaktuar sulmet e ardhura nga anijet ruse dhe i ka ndarë ato me Ukrainën.
Departamenti amerikan i Mbrojtjes (Pentagon), edhe pse konfirmon se inteligjenca amerikane ndan informacion në kohë reale me Ukrainën, distancohet të komentojë lidhur me anijen “Moskva”.
“Moskva” një kryqëzor me raketa udhëzuese me një ekuipazh prej 510 personash ishte anija flamurtare e flotës ruse në Detin e Zi dhe anija më e madhe ruse që u fundos në luftë që nga Lufta e Dytë Botërore e deri më tani.
SHBA-ja kishte deklaruar se anija u fundos më 14 prill pasi u godit me dy raketa Neptun.
