Borussia Dortmund e ka mbyllur një tjetër edicion në Bundesliga, edicion që e përfunduan në pozitën e dytë.
Por para fillimit të ndeshjes ka qenë një festë, pasi tifozët dhe klubi kanë falënderuar dhe përshëndetur gjashtë futbollistë të cilët nga tani janë të lirë dhe do të largohen nga Borussia Dortmund.
Mbrojtësi legjendar i verdheznjve, Marcel Schmelzer ka vendosur t’i jap fund karrierës në moshën 34-vjeçare dhe për të ishte hera e fundit në Signal Iduna Park si futbollist i BVB.
Schmelzer qëndroi për 14 vite në ekipin e parë të Dortmund, ku ka zhvilluar 367 ndeshje duke shënuar shtatë gola e duke asistuar në 34 të tjerë.
Tifozët falënderuan shumë legjendën e klubit duke zbuluar edhe një fanellë gjigante të tij.
Një largim emocionues ka qenë edhe ai i drejtorit Michael Zorc. 59-vjeçari që ishte edhe një futbollist legjendar i klubit, u largua nga pozita e drejtorit të Dortmund pas plot 24 vitesh, pasi qëndroi në atë pozitë nga 1 korriku i vitit 1998.
Njësoj i Schemlzer, tifozët verdhezi e falënderuar edhe Zorc me një koreografi të jashtëzakonshme.
Në fund të këtij edicioni nga Dorrtmund do të largohen edhe Erling Haaland që i bashkohet Manchester Cityt.
Ndërkohë nga klubi largohen si futbollist të lirë edhe Axel Witsel e mbrojtësi Zagadou, derisa Reiner kthehet në Real Madrid pas huazimit e Pongracic te Wolfsburg. Të gjithë të larguarit u përshëndetën nga tifozët, derisa klubi i falënderoi duke i dhënë mirënjohje për kontributin.
