Ambasadori i Shqipërisë në Mbretërinë e Bashkuar, Qirjako Qirko ka zhvilluar një takim me Kryetarin e Dhomës së Komunave Sir Lindsay Hoyle. Diplomati i lartë shqiptar ka ndarë fotot nga takimi në rrjetet sociale, ndërsa shkruan kanë diskutuar për forcimin e marrëdhënieve ndërparlamentare.
Po ashtu mes tyre është folur edhe për situatën në Ukrainë dhe në Ballkanin Perëndimor.
“Është gjithmonë një nder dhe kënaqësi të takoj Sir Lindsay Hoyle, Kryetar i Dhomës së Komunave. Ne ndajmë të njëjtat pikëpamje për forcimin e marrëdhënieve ndërparlamentare, situatën në Ukrainë dhe në Ballkanin Perëndimor”, shkruan ambasadori shqiptar.
