Lezha synon jetë Mbretëresha e turizmit këtë verë. Sezoni turistik u çel zyrtarisht në Shëngjin, duke ofruar një gërshetim mes bregdetit, kulturës dhe në majë gastronomia.
Det, turizëm kulturor dhe ushqim i mirë.
Këto janë tre shtyllat e ofertës turistike të Lezhës që çeli në Shëngjin sezonin turistik veror.
“Të tilla panairi i duhen biznesit sepse të shtyjnë të ecësh para. Lezha ofron shumë.”
Thuajse e gjithë qeveria me kryeministrin Rama në krye u bë pjesë e festës.
Kryebashkiakët shqiptarë dhe homologët nga Kosova, nga ku vjen numri më i lartë i turistëve në Shëngjin ishin po ashtu bashkë.
“Jemi bashkë për t’i dhënë këtij sezoni një frymëmarrje të jashtëzakonshme për të kthyer Lezhë në një destinacion.”
Ministret e turizmit dhe Bujqësisë, Mirela Kumbaro dhe Frida Krifca e konsideruan Ofertën turistike të Lezhës më të mirën e këtij sezoni.
“Edhe plazhi edhe deti. Kemi edhe modelet më të mira të bujqësisë.”
Një darkë gala u shtrua për të ftuarit, ndërsa qytetarët e pranishëm patën mundësinë të shijonin nga prodhimet bio të restoranteve e deri tek punimet artizanale, në panair.
