Fansat janë të shqetësuar për shëndetin mendor të Britney Spears. Pak më pak se dy javë më parë, ylli i popit humbi fëmijën për shkak të një aborti dhe tani ajo është rikthyer krejtësisht e zhveshur në rrjetet sociale.
“Nuk është e njëjta foto…kjo është foto e zemrës së kuqe të gjakut!!!”, shkruan këngëtarja duke u shfaqur në një foto të ngjashme me ato të shpërndara pak ditë para humbjes së foshnjës. Dhe ajo që shqetëson ndjekësit e shumtë nuk është vetëm mesazhi i fshehtë, por ekspozimi i vazhdueshëm i trupit të saj, edhe pas lajmeve shkatërruese si ai i ndërprerjes së shtatzënisë.
“Dikush të shpëtojë Britney-n” shkruajnë shumë: “Çfarë po ndodh me të?” apo: “Unë me të vërtetë shpresoj që dikush të kujdeset për të …”, “A mendoni vërtet se ajo është mirë?”. Dhe kështu me radhë.
Pas abortit Britney shkroi një mesazh prekës: “Me pikëllim të thellë duhet të njoftojmë se kemi humbur foshnjën tonë të mrekullueshme para kohe”.
Vetëm pak ditë më vonë, këngëtarja nuk ngurroi të ndajë disa foto nga pushimet e saj të mëparshme në Meksikë, me një video ku ajo vrapon topless në plazh, deri në imazhin e disa orëve më parë, ku fotoja me zemrën e kuqe gjaku, alarmoi të gjithë fansat e saj.
