15 ditëshi i dytë i Korrikut ka rritur numrin e pushuesve në plazhet e Durrësit. E gjithë vija bregdetare në plazhin e madh është mbipopulluar me vendas por edhe pushues të ardhur kryesisht nga Kosova dhe Maqedonia.
Këta të fundit planifikojnë të kalojnë disa ditë pushimi. Gjatë qëndrimit në Durrës, pushuesit shprehen të kënaqur me kushtet dhe çmimet. Ndryshe nga ditët që lamë pas siguria në plazhe është rritur, ndërsa rojet bregdetare janë vendosur.
Plazhi i madh i Durrësit ka një vijë bregdetare 4.2 km dhe përgjatë vijës bregdetare janë ngritur tetë kulla vrojtimi, edhe pse një numër i pamjaftueshëm në raport me gjatësinë e vijës bregdetare.
