Nëse një shqiptar përfshihet në një krim, në një trafik, apo çfarëdo ngjarje tjetër të keqe, lajmi bën menjëherë xhiron e mediave shqipfolës.
Media që e mbajnë veten edhe si kombëtare, nuk mbahet mend se kur kanë transmetuar një kronikë për shqiptarët e suksesshëm. Shumica edicioneve të tyre, apo portaleve janë të mbushura vetëm me lajme të këqija për shqiptarët.
E kundërta e kësaj ndodh, kur një shqiptar apo shqiptare bën një vepër të mirë, arrin diçka që të tjerët nuk e kanë arritur.
Mediat shqiptare nuk e transmetojnë fare, ose vetëm sa e përmendin shkarazi vetëm sa për tu justifikuar.
Lajme të tilla të mira, transmetohen vetëm kur ka një interes në mes, apo kur bëhet fjalë për projekte dhe fonde që jep BE-ja, apo shtete të ndryshme për të pasqyruar aktivitetet e diasporës shqiptare nëpër botë.
Kur nuk ka interes askush nuk kujtohet për shqiptarët që duke thyer paragjykimet e vendit ku jetojnë, ja kanë dalë që të krijojnë emër të mirë dhe të fitojnë edhe besimin e qytetarëve të vendit ku kanë krijuar jetën.
I tillë ështe edhe rasti i dy shqiptarëve, Kastriot Berberi dhe Marsela Berberi. Të dy jetojnë e punojnë prej vitesh në Britaninë e Madhe, por ata kanë vendosur që të angazhohen dhe në jetën e komunitetit të tyre.
Pikërisht për këtë angazhim, ata janë zgjedhur këshilltaarë të bashkisë ku jetojnë dhe kanë dhënë kontributet e tyre.
Jo për të qenë modest, por vetëm AlbUK Tv, ka transmetuar dhe përcjellë arritjet e shqiptarëve të zot dhe të mirë, të cilët bëjnë një jetë njësoj si britanikët. (Kliko)
Shtysë për këtë shkrim, morëm nga n jë status i dy shqiptarëve, këshilltarë bashkiakë në Londër.
‘Kush vërteton se të pakten një media shqiptare (gazetë, tv, portal online, etj.) në Shqipëri dhe jashtë saj, ka pasqyruar lajmin e fitores së mandatit të parë të shqiptares së parë dhe të vetme nga Shqipëria, Councillor Marsela Berberi, si dhe të fitores së mandatit të tretë radhazi të shqiptarit të parë dhe të vetëm nga Shqipëria, Councillor Kastriot Berberi, në zgjedhjet lokale në Britani (5 Maj 2022), i dhurohet një palë çorape leshi dhe një palë opinga!!!
Krenarë që jemi Britanikë.
...edhe shqiptarë’, – shkruan Kastriot Berberi në statusin e tij në Facebook, që mund ta shikoni edhe më poshtë.
