Meta tha se i kërkoi ti linte në dorë organizimin e protestave mbarëkombëtare, që Basha nuk pranoi. Në këmbim tha ai, do të zgjidhej sërish president.
Kryetari i Partisë së Lirisë, Ilir Meta ka rrëfyer prapaskenat e prishjes së marrëveshjes së 5 qershorit, (dokumenti që u dakordësua në gjuhën angleze me marrëveshje ndërkombëtare mes qeverisë dhe opozitës së 2020-ës për ti dhënë fund krizës zgjedhore në Shqipëri). Në bashkëbisedimin e sotëm me gazetarët, Meta tregoi sesi e thërriti Bashën në zyrë, takim që Dosja.al e kujton dhe me këtë foto.
Meta tha se i kërkoi ti linte në dorë organizimin e protestave mbarëkombëtare, që Basha nuk pranoi. Në këmbim tha ai, do të zgjidhej sërish president.
Pjesë nga sqarimi i Metës:
Nuk dua të flas, s’ka patur problem kalkulimi nga PD. PD ishin të gabuara për shkak të një besimi të tepruar që lidershipi i LSI i kishte dhënë PD. Kalkulimi i tyre ishte kriminal, një biznes i rënë dakord prej kohësh në kurriz jo vetëm të LSI por të gjithë shqiptarëve. Non-grata e Berishës ka qenë e hershme, kjo që ndodhi ishte gjoja artificial që ky digjte palmën këtu ai bënte mitingje në Berat. Kalkulimi ishte realizuar në akord. Edhe prishja e 5 qershorit ishte e akordësuar. I thashë Lulushit eja këtu, mblidh opozitën se janë prishur rregullat e lojës, i thashë eja këtu se do merrem unë. Njerëzit do të ti sjell unë, organizimin merrem vetë. I thashë vetëm thuaju që Meta do të jetë prapë president se presidenti do të zgjidhej, e ti do të jesh kryeministër. Do të ndihmoja demokracinë jo opozitën. I thashë këtë që Lulushi të dilte me rritje që të mbrohej presidenti dhe PD që e trajtonin ashtu siç e trajtonin. Dhe pastaj shpalli dhe ky doktorin non-grata dhe dy njerëz që aktrojnë dhe të tjerët që fryjnë sytë se xhepat i fryjnë shumë pak veta.
Si u shkatërrua marrëveshja e 5 qershorit?
Edhe pse Rudina Hajdari, Damian Gjiknuri, Petrit Vasili dhe Oerd Bylykbashi dhanë firmat, konsesusi për komisionet dhe procesin nuk vazhdoi. demokratët nisën kontestimin e marrëveshjes me akuzën se Rama e prishi atë. PS zgjodhi të hapte pjesërisht listat dhe formula për koalicionet shkatërroi konsesusin. PS votoi ndryshimet kushtetuese duke hapur pjesërisht listat dhe duke i hequr mundësinë koalicionit opozitar të garojë sipas së njëjtës skemë dhe duke i detyruar të dalin në të njëjtën listë.
