Një robot shahist i ka shtrënguar dhe thyer gishtin kundërshtarit të tij 7-vjeçar, pasi djali ‘theu’ rregullat e lojës.
Mediat lokale kanë raportuar incidentin duke e thënë se roboti ishte ‘shtangur’ pasi 7-vjeçari kishte bërë lëvizjen e tij ‘më shpejt seç duhej’, gjatë Moscow Open.
Pas incidentit, presidenti i Federatës së Shahut të Moskës, Sergey Lazarev, i tha TASS Media se “roboti i theu gishtin djalit të vogël dhe kjo sigurisht ishte diçka shumë e keqe” ama sipas tij, makineria kishte luajtur edhe gjatë eventeve të tjera “pa u mërzitur”, dhe se ky incident ishte diçka “shumë e rrallë”.
Videoja e publikuar në Youtube, tregon momentin kur djali kundërpërgjigjet me sa duket “më shpejt seç duhej”, gjë që pasohet nga lëvizja e “krahut” robotik i cili shtrëngon gishtin për disa sekonda para se 3 persona të tjerë ndërhyjnë për ta larguar atë nga dora e djalit.
7-vjeçari është mirë dhe gishti i tij është vendosur në allçi. Burimet raportuan se ai fatmirësisht nuk është traumatizuar nga ky incident dhe ka vazhduar të luaj ditën e nesërme. Emri i tij është Kristofer dhe ai raportohet të jetë lojtari numër 3 më i mirë në Moskë për moshat nën 9 vjeç.
Ky incident ka ngritur shqetësimin e shumë kritikëve të teknologjisë sipas të cilëve, robotët po bëhen gjithnjë e më të sofistikuar dhe po aplikohen në gjithnjë e më shumë ndërveprime me njerëzit por në të njëtën kohë ata po bëhen edhe më të rrezikshëm.
