Presidenti amerikan, Joe Biden, uroi personalisht Shqipërinë me rastin e 100-vjetorit të vendosjes së marrëdhënieve diplomatike mes dy shteteve tona.
Në një videomesazh të transmetuar gjatë ceremonisë së organizuar me këtë rast, Biden uroi që miqësia mes dy shteteve të vijojë.
“Kur Shtetet e Bashkuara mbrojtën pavarësinë e Shqipërisë pas fundit të Luftës I Botërore, nisën një miqësi mes popujve tonë që do të zgjaste, që ndajnë dashurinë për lirinë dhe vlerat e demokracisë që nuk thye edhe kur populli shqiptar ishte nën diktaturë”, tha Biden.
“Sot, Shqipëria dhe Shtetet e Bashkuara janë aleatë në NATO dhe partnerë që punojnë për të mbrojtur lirinë dhe demokracinë në Europë dhe rreth botës, përfshi edhe përmes punës sonë në Këshillin e Sigurimit të OKB. Shqipëria ka dhënë një kontribut vendimtar për mbështetjen e popullit ukrainas teksa mbron vendin e vet nga lufta brutale e Rusisë”.
“Dua të falënderoj popullin e Shqipërisë për mikpritjen e mijëra afganëve gjatë vitit të fundit. Dhe shohim drejt së ardhmes, ku SHBA do të vazhdojë të qëndrojë krah Shqipërisë teksa vazhdoni punën për të fortifikuar institucionet demokratike, të luftoni korrupsionin të forconi sundimin e ligjit dhe vijoni udhëtimin tuaj për t’u anëtarësuar në Bashkimin Europian. Uroj që dy kombet tona të vazhdojnë të ndërtojnë gjithçka kemi arritur bashkë dhe t’u japim fëmijëve tanë një të ardhme më të ndritur e më shpresëdhënëse për fëmijët tanë”.
