Kryetari i Partisë së Lirisë, Ilir Meta, shkruan në rrjete sociale se Partia e Punës, e kishte kryeministrin Edi Rama karikaturistin e preferuar të shkrimeve propagandistike kushtuar Sigurimit e spiunazhit.
Ish-Presidenti Meta shprehet se Partia Socialiste e ka Edi Ramën kryetarin e bandës së inceneratorëve. Më tej Meta thekson se do të fokusohet në zbardhjen e grabitjes së tij galopante për t’i dhënë ndëshkimin e merituar.
Statusi i Metës
Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit. Ndërsa Partia Socialiste e ka Edi Ramën, Kryetarin e bandës së inceneratorëve.
Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar. Në foto: 📷 (Karikatura e Edi Ramës në revistën “Në shërbim të popullit”, 10 tetor 1983).
