Kombëtarja angleze e futbollit për femra ngriti trofeun e parë të madh në histori kur mposhti Gjermaninë 2-1 pas kohës shtesë në stadiumin “Wembley” të mbushur plot të dielën.
Një nga fitueset në këtë triumf historik ishte Fran Kirby, e cila luan me Chelsiean dhe së fundmi u diagnostikua me një problem në frymëmarrje.
Fran Kirby zbuloi për ndjekësit e saj se mbante një maskë oksigjeni, për shkak të problemeve shëndetësore.
U njoftua në shkurt se sulmuesja do të lihej jashtë fushës për një “periudhë të pacaktuar kohore” për shkak të lodhjes dhe rraskapitjes ekstreme që i shkaktonte sëmundja.
Kirby nuk luajti për blutë para fundit të sezonit, por e kishte bindur trajneren e Anglisë, Sarina Wiegman se ajo ishte e gatshme për turneun e kësaj vere.
Vendosmëria e saj për të luajtur sërish për Anglinë i ka dhënë tani një medalje dhe emri i saj është gdhendur si një fener shprese për futbollistët e rinj që ëndërrojnë të luajnë për “Tre Luaneshat” në të ardhmen.
