Sado që teknologjia të jetë gjithnjë në ndryshim, ajo ende mund të shfaqet në kohë mjaft të çuditshme. Madje, me sa duket, në televizion direkt.
Greg Dutra, një meteorolog në Çikago, po jepte parashikimin e mëngjesit kur mori një mësim befasues në pajisjet e studiove të transmetimit teknik.
Ashtu si çdo ditë tjetër në punë, Dutra po parashikonte motin kur ai papritmas preku ekranin digjital duke shfaqur hartën e motit e cila lëvizi.
Ishte një moment mjaft i tmerrshëm për prezantuesin.
“Oh, e zhvendosa hartën … nuk e dija se mund ta bëja këtë”, tha Dutra ndërsa ishte drejtpërdrejt në transmetim.
“Kjo është një ditë e madhe”, shtoi ai teksa zmadhonte dhe zvogëlonte hartën.
Kolegu i tij, spikeri i lajmeve Terrell Brown, ishte gjithashtu në xhirime dhe ishte aq i emocionuar saqë iu desh ta provonte gjithashtu. “Duhet ta provoj”, tha ai.
“Kjo nuk ishte në manualin e stërvitjes, kur zbulova se televizori është një ekran me prekje”, tha Dutra me shaka më vonë në Twitter për incidentin.
Shumë shikues menduan se ishte qesharake dhe nuk ngopeshin me të.
Klipi humoristik i Dutra-s madje fitoi një vëmendje kombëtare kur u zgjodh si një shfaqje e ditës në Good Morning America të ABC-së.
