Nga Klodian Tomorri
Kur ti mendon se i ke parë të gjitha, del ministri i Brendshëm, që ka pasion varkat me vela, dhe kërkon të bëjë dhe ky një koncesion.
Dmth këta do japin një ose më shumë nga procedurat e dhënies së shtetësise shqiptare me koncesion.
Këtu nuk është e qartë akoma se çfarë kanë ndër mend të bëjnë.
Por me gjasë do kontraktojnë ndonjë kompani private që të gjejë miliardërat nëpër botë për t’u shitur pasaportën shqiptare. Është ai projekti ‘Golden passports’ që e kundërshton fort BE-ja.
Po ky është funksion mirëfilltazi shtetëror.
Si mund të delegohen hallkat procedurale të shtetësisë tek privati?
Futini dhe policisë apo ushtrisë një koncesion tani, që të vejë tamam kjo punë.
