Kreu i PD, Sali Berisha, në konferencën e përjavshme për mediat deklaroi se kryeministri Edi Rama është kapur në përgjime me grupet kriminale në vendin tonë.
Berisha u shpreh se Rama dhe të tjerët besonin se po komunikonin me celularë të papërgjueshëm që sipas tij po deshifrohen nga grupe të vendeve europiane.
“Përgjimet janë një realitet. Kanë insistuar për ratifikimin e ekstradimet për në vendet e Beneluksit, sepse e sigurt është që telefonatat me atë lloj aparati telefonik, që Rama e të tjerë besonin se ishin të papërgjueshme, po deshifrohen nga grupe të vendeve europiane.
Edi Rama po pengon marrëveshjet e ekstradimit. Për cilat përgjimet bën fjalë Meta se di, për këta apo të Elbasanit ku Taulant Sharra është personazh kryesor, e unë dua të informoj publikun se të gjitha masat e marra për Gentjan Sharrën, mikut për kokë të Taulant Sharrës, çdo konfiskim është hequr, është kthyer shtëpia e çdo gjë tjetër, e madje Gentjan Sharra vazhdon aktivitetin në prokurimet publike që e ka pasion.
Qytetari dixhital informon se ka ndërhyrje direkt të Taulant Sharrës në këto afera. Nuk ka asgjë që të habitesh se Rama është regjistruar duke folur me grupe kriminale, pa asnjë diskutim që është duke folur e uroj që bisedat të publikohen sa më shpejt”, tha Berisha.
