Anglia duket se është kthyer në një ëndërr për të rinjtë shqiptarë, të cilët mundohen të kalojnë ilegalisht me gomone në kanalin që ndan Britaninë e Madhe nga Franca, por hasin vështirësi nga më të ndryshme, madje duke rrezikuar dhe jetën përveç kapjes nga Policia.
Një tragjedi është shmangur vetëm në ditët e fundit me shqiptarët në mes të detit. Siç duket edhe nga pamjet e filmuara nga vetë emigrantët, të cilët më pas e kanë dërguar tek “JOQ ALBANIA”, shqiptarët kanë rrezikuar mbytjen për shkak se trafikantët e tejmbushin gomonen.
Pamjet janë dërguar nga një qytetar që ka qenë i pranishëm në gomone, i cili tregon edhe momentet e tmerrit, teksa tregon se brenda kishte edhe fëmijë dhe gra. Ai shton se fëmijët qanin me të madhe ndërsa grave u ka rënë të fikët nga frika.
“O shqipe po hapuni, na lëni hapësirë të heqim ujin,”-dëgjohet në video.
I riu raporton se shqiptarët u shpëtuan falë policisë franceze, madje dhe në pamje duket momenti kur vjen roja bregdetare dhe një nga shqiptarët hidhet në ujë për të biseduar me ta.
“Sot mund te kishte ndodhur nje tragjedi e vërtet! Kemi shpetuar mrekullisht ne minuten e fundit, nga marina franceze, nje tmerr i vertet gra qe i binin te fiket, femije qe ulerisnin dhe qanin.
Gomonia mbante 20 persona, ne ishim 55. Mos te rrezikojnë me shqiptaret se nuk ka me mot të mirë. Une kam qenë vetë aty. Sot eshte bere videoja pak pamje kam se nuk lejojn kurdët. ktu momenti ku po na shpetojn francezet.
Kohët e fundit si kurrë më parë shqiptarët po dynden me gomone duke shkuar në Britaninë e Madhe. Madje janë kthyer edhe problem që është pasqyruar gjatë në mediat vendase. ” shkruan emigranti shqiptar.
