Ambasadori i Shteteve të Bashkuara të Amerikës në Serbi, Christopher Hill tha në një intervistë për Zërin e Amerikës se po diskutohet një partneritet strategjik potencial midis dy vendeve dhe se një marrëveshje e tillë është e mundur në të ardhmen.
Në kontekstin e luftës në Ukrainë dhe refuzimit të Serbisë për të vendosur sanksione ndaj Rusisë, diplomati amerikan thotë se ekziston një mirëkuptim për varësinë e Beogradit nga burimet ruse të energjisë, por se “nuk është mirë që Serbia të qëndrojë në linjën që ndanë të mirën dhe të keqen”.
Hill mohoi se ka afate specifike që SHBA-ja i vendos për zgjidhjen e çështjes së Kosovës, por thotë se shpreson për përparim të shpejtë dhe se Amerika e mbështet propozimin franko-gjerman, transmeton Klan Kosova.
Zëri i Amerikës: Sekretari amerikan i Shtetit Anthony Blinken dhe presidenti serb Aleksandar Vuçiq së fundmi folën në telefon dhe dhanë dy deklarata paksa të ndryshme rreth asaj bisede, por tema e përbashkët ishte Kosova. Presidenti Vuçiq njoftoi se sekretari Blinken theksoi nevojën për të arritur një zgjidhje sa më shpejt të jetë e mundur. A ka ndonjë afat të ri që SHBA-ja po i jep për ta zgjidhur?
Hill: Nuk di për ndonjë afat specifik, por është përshtypja se dialogu ka vazhduar për një kohë shumë të gjatë dhe duhet të ringjallet. Në këtë kuptim, ne jemi të kënaqur që shohim angazhimin e zyrtarëve evropianë në nivel të lartë, këshilltarët e sigurisë kombëtare të Francës dhe Gjermanisë kanë ardhur në rajon, kjo është shumë e rëndësishme. Dhe mendoj se sekretari Blinken donte të theksonte dëshirën tonë për ta çuar përpara këtë çështje. Ka shumë gjëra për të cilat duam të punojmë me Serbinë dhe duam që çështja e Kosovës të zgjidhet në një formë.
Zëri i Amerikës: Në lidhje me atë propozim, ju thatë së fundmi se është mirë që janë përfshirë përfaqësues të lartë dhe shpresoni që zgjidhja të arrihet shpejt. Por si është e mundur kjo nëse propozimi parasheh që Kosova të bëhet anëtare e OKB-së pa njohjen e Beogradit dhe Serbia të marrë një rrugë të përshpejtuar drejt BE-së dhe presidenti Vuçiq ka thënë shumë herë se njohja e Kosovës dhe anëtarësimi në OKB janë e papranueshme?
Hill: Nuk do të doja të flisja për specifikat, kjo varet nga evropianët. Por mund të them se evropianët duan që kjo gjë të zhvendoset. Natyrisht, këto janë çështje të vështira, por është e rëndësishme që të dyja palët të kuptojnë se ka gjëra të tjera që po ndodhin në Evropë, për shembull në Ukrainë, dhe është koha për përparim në këtë çështje. Mendoj se edhe presidenti Vuçiq edhe kryeministri Kurti janë dakord që ta shqyrtojnë atë propozim dhe të shohim se çfarë mund të bëhet… Mendoj se presidenti Vuçiq ka thënë në disa raste se është e nevojshme që të dyja palët të marrin diçka dhe të japin diçka, d.m.th. qasja e duhur dhe ne duhet të shohim nëse mundet nëse diçka ka sukses.
