Pakistani ka dalë nga lista e vendeve që financojnë terrorizmin dhe që pastrojnë paratë.
Edhe pse është një vend, ku shpesh ndodhen akte terroriste, SHBA dhe vendet e BE-së kanë vendosur që ta heqin atë nga lista e këtyre vendeve me rrezikshmëri.
Por i çuditshëm është fakti që vendi ynë, Shqipëria vazhdon të jetë pjesë e listës së këtyre vendeve, duke na nxirë dhe pjesën më të mirë që kemi si komb dhe që njihemi në botë; frymën liberale fetare.
Kështu institucionet ndërkombëtare vazhdojnë të krahasojnë vendin tonë, me shtete që janë të njohura botërisht si financues të akteve terroriste.
Shqipëria, sipas hetimit të Moneyval vazhdon të jetë në listën gri të vendeve që dyshohet për pastrim të madh parash.
E futur në këtë listë në vitin 2017 nga qeveria e Edi Ramës dhe që vazhdojnë ta mbajnë këtu, me pastrimet e parave, e tregojnë faktet që janë në terren e jo vetëm në letra. Edhe pse vendi ynë nuk dyshohet se është vend që financon terrorizmin, prania e tij në këtë listë të përbashkët vazhdon të jetë problem i madh.
FATF dhe Moneyval identifikojnë vendet juridikisht me masa të dobëta për të luftuar pastrimin e parave dhe financimin e terrorizmit. Në këtë listë është edhe Shqipëria.
Në raportet e viteve 2020-2021, Shqipëria vazhdon të jetë në zonën gri të vendeve ku pastrohen paratë. Kjo sipas studimit të Moneyval, instrumentit të Bashkimit Europian që heton vendet anëtare të BE-së, dhe atyre që inspirojnë të integrohen në BE.
Edhe pse ka pasur përherë kritika dhe kërkesa për të ndryshuar këtë qasje, në Shqipëri qeveria nuk e ka vënë ‘ujin në zjarr’, duke mos marrë asnjë masë, e në fakt duket se e ka inkurajuar pastrimin e parave.
Bumi i ndërtimit që ka plasur në Tiranë dhe në zona të tjera të vendit, dhe rritja ekstreme e çmimeve të apartamenteve dhe ambienteve të tjera komerciale, duket se ka vetëm një burim; paranë e zezë. Kjo rrjedh për faktin se në vend, nuk ka asnjë indikator që të tregojë se ekonomia është rritur aq shumë sa të justifikohen gjithë këto ndërtime dhe kulla që kanë mbirë në çdo cep të Tiranës.
Edhe amnistia fiskale e Edi Ramës, është kundërshtuar në mënyrë të fuqishme nga vendet e BE-së dhe SHBA-ja, për shkak
Që në vendin tonë nuk respektohet dhe zbatohet ligji, e bën të qartë edhe studimi i fundit i ‘old Justice Project’.
Shqipëria ka humbur 4 pozicione nga viti i kaluar, duke u renditur poshtë Gambias dhe Vietnamit.
Shqipëria tanimë nuk mund të krahasohet as me Kosovën në fushën e zbatimit të ligjit, pasi shteti i dytë shqiptar në rajon është në vendin e 57 në renditjen botërore, ndërsa Shqipëria ndodhet në vendin e 87.
