Nuk duhet të shqetësohemi për situatën në Kosovë, kështu beson ish-ambasadori i NATO-s në vend dhe profesori universitar Nano Ruzhin në një prononcim për televizionin Kanal 5.
Kjo vjen pas ngjarjeve në vendin fqinjë, ku sot u mbajt një protestë masive e serbëve për shkak të riregjistrimit të paralajmëruar të targave, pas së cilës 300 policë serbë dhanë dorëheqje.
Ruzhin thotë se ne jemi anëtarë të NATO-s, ndaj nuk duhet të shqetësohemi.
Ai është i bindur se komuniteti ndërkombëtar nuk do të lejojë që situata të përshkallëzohet.
