Kryeministri britanik Rishi Sunak zhvilloi vizitën e tij të parë në Ukrainë që nga marrja e detyrës, ku u takua me presidentin ukrainas Volodymyr Zelensky dhe bëri një zotim 50 milionë funte mbeshtetje për sistemin ushtarak te Kievit.
Kryeministri britanik, i cili mbërriti në Kiev pasdite te shtunen, tha se ishte ‘thellësisht i përulur’ që kishte takimin e tij të parë ballë për ballë me Presidentin ukrainas.
Gjatë vizitës së befasishme, Sunak konfirmoi paketën prej 50 milionë sterlina për të ndihmuar në forcimin e mbrojtjes ajrore të Ukrainës, kundër forcave të Putinit dhe dronëve të furnizuar nga Irani.
Shpenzimet e mbrojtjes qe akordohen me ndihmen e Mbretërisë se Bashkuar synojnë “të mbrojnë civilët ukrainas dhe infrastrukturën kritike kombëtare nga një breshëri e fortë e sulmeve ruse” thane autoritetet britanike.
Vizita e Sunak ne Kiev, vjen pas një jave të tensionuar në vend pasi Rusia ka përshkallëzuar sulmet e saj me raketa në qytete dhe infrastrukturë në mbarë Ukrainen.
Kryeministri Sunak dhe Presidenti Zelensky u takuan ballë për ballë për herë të parë duke shtrënguar duart përpara flamurit të Bashkimit Europian dhe flamurit të Ukrainës.
