Kampionati Botëror ka përfunduar tashmë dhe ligat janë gati të rifillojnë, me skuadrat evropiane që kanë bërë tashmë plane për afatin kalimtar të janarit.
Mbetet për t’u parë se çfarë ka rezervuar e ardhmja për disa yje si Cristiano Ronaldo, Joao Felix, Isco dhe Luis Suarez.
Marca ka bërë një listë me lojtarët që pritet të bëjnë një lëvizje në janar:
Cristiano Ronaldo
Ish-sulmuesi i Real Madridit, i cili u stërvit për disa ditë në Valdebebas për të qëndruar në formë, tashmë ka rrëmbyer vëmendjen. 37-vjeçari është lojtar i lirë pasi ka ndërprerë kontratën me Manchester United me pëlqim reciprok.
Ndërkohë, skuadra e Arabisë Saudite, Al Nassr, është afër blerjes së yllit portugez. Ai pritet të nënshkruajë për dy sezone e gjysmë, duke fituar 200 milionë euro në vit.
Christopher Nkunku (RB Leipzig)
Sulmuesi i RB Leipzig humbi turuneun për shkak të një lëndimi në gju para fillimit. Megjithatë, ai pritet të bëjë një lëvizje në Ligën Premier në janar, pasi Chelsea ka arritur një marrëveshje për të nënshkruar, raporton Fabrizio Romano.
Enzo Fernandez (Benfica)
Mesfushori argjentinas shkëlqeu në Katar dhe vlera e tij është rritur në qiell muajin e fundit. Benfica e nënshkroi atë për 12 milionë euro nga River Plate në verë dhe vetëm pesë muaj më vonë ai mund të largohej në këmbim të 70 milionë eurove. Liverpooli është i interesuar për nënshkrimin e lojtarit, ndërsa Real Madridi e ka vendosur atë në radarin e tyre në rast se nuk arrijnë të transferojnë Jude Bellingham në verë.
Joao Felix (Atletico Madrid)
Siç ka raportuar MARCA, Atletico do të ishte i gatshëm të fitonte para për portugezin në janar. “Unë do të flas për Atleticon kur të përfundojë Botërori”, deklaroi Joao Felix, ndërsa Arsenali është në kërkim të një lojtari për të zëvendësuar të lënduarin Gabriel Jesus.
Isco (Sevilla)
Largimi i tij nga Sevilla tashmë është zyrtarizuar pas një përballjeje të tensionuar me drejtorin sportiv Monchi. Isco luajti 19 ndeshje për skuadrën andaluziane, duke shënuar një gol dhe duke dhënë tre asistime. Pasi kontrata e tij u skëput, ai mund të ribashkohet me Julen Lopeteguin në Wolverhampton Wanderers.
Caglar Soyuncu (Leicester City)
Qendërmbrojtësi turk ka vulosur një transferim te Atletico Madrid. Mbetet për t’u parë nëse ai do të bashkohet me një transferim të lirë në qershor, apo në janar në rast se Felipe dhe Mario Hermoso largohen nga ekipi.
Azzedine Ounahi (Angers)
Pasi shkëlqeu në Botëror, reprezentuesi i Marokut mund të largohet nga Angers në janar. Sipas raportimeve, Leicester City është i gatshëm të shpenzojë 45 milionë euro për ta joshur atë në Ligën Premier.
Cody Gakpo (PSV Eindhoven)
Sulmuesi i PSV-së shkëlqeu në fazën e grupeve të Kampionatit Botëror, duke shënuar tre gola në tre ndeshje. Disa skuadra të Ligës Premier, përfshirë Manchester United, janë të interesuar për nënshkrimin e tij.
Luis Suarez
Ish-lojtari i Atleticos dhe Barcelonës është lojtar i lirë pasi fitoi Clausura me Nacional. Ai nuk pritet të kthehet në Evropë, por nuk duhet të përjashtohet një kalim në MLS.
Mykhailo Mudryk (Shakhtar Donetsk)
Arsenali raportohet se është i interesuar për transferimin e yllit të Shakhtarit. “Nëse do të më jepnin opsionin për të qenë titullar në Arsenal ose zëvendësues në Real Madrid, unë do të zgjidhja Arsenalin”, pranoi Mudryk.
Sofyan Amrabat (Fiorentina)
Presidenti i Francës, Emmanuel Macron e cilësoi atë “mesfushori më i mirë i Botërorit”. Në verë ai ishte në prag të bashkimit me Tottenham Hotspur, por marrëveshja dështoi.
“Jam krenar që jam i lidhur me klubet ‘top’ si Barcelona apo Atletico, por jam lojtar i Fiorentinës”, deklaroi ai së fundmi për MARCA.
Khvicha Kvaratskhelia (Napoli)
Sulmuesi gjeorgjian ka shënuar tetë gola dhe ka regjistruar 10 asistime në 17 ndeshje deri më tani. Shumë skuadra kanë trokitur në derën e Napolit, por drejtori sportiv i skuadrës e bëri të qartë se Seria A nuk do ta lërë të largohet në janar.
Youssoufa Moukoko (Borussia Dortmund)
Dortmundi po punon kundër kohës për të rinovuar kontratën e tij, e cila skadon në qershor. Megjithatë, të dyja palët nuk kanë arritur ende një marrëveshje.
“Shumica e klubeve ‘top’ janë të interesuar për të. Ne nuk jemi afër arritjes së një marrëveshjeje”, pranoi agjenti i tij, Patrick Williams.
Një zëvendësues i Neuerit te Bayern Munich
Manuel Neuer ka pësuar një lëndim në fund të sezonit dhe Bayern Munich është në kërkim të zëvendësuesit të tij. Ata mund të rikthejnë Alexander Nubel, i cili është i huazuar te Monaco, ose të nënshkruajnë Yann Sommer nga Borussia Monchengladbach. Ndërkohë, bavarezët raportohet se janë të interesuar për nënshkrimin e Dominik Livakovic dhe Yassine Bounou.
Josko Gvardiol (RB Leipzig)
Ai nuk pritet të largohet në janar, por shumë kërkues të mundshëm e kanë vendosur tashmë në radarin e tyre pasi shkëlqeu në Botëror. Chelsea dhe Manchester City janë në pole position për të nënshkruar me mbrojtësin kroat.
