Ministria e Punëve të Jashtme dhe Diasporës në Kosovës i ka kthyer përgjigje patriarkut të Kishës Ortodokse serbe, Porfirije i cili ka kërkuar që të vizitojë Kosovën prej ditës së sotme deri më 28 dhjetor.
Në reagimin e kësaj ministrie shkruhet se Porifije mund të vizitojë Kosovën, por ai duhet të dënojë dhe të distancohet nga veprimet e atyre pjesëtarëve të Kishës që po ndihmojnë grupet kriminale në veri për ngritjen e barrikadave.
“Kërkesa për vizitë e Patriarkut Porfirije nuk është refuzuar siç po propagandohet nga Kisha Ortodokse Serbe dhe mediat serbe, por është ndërlidhur me deklaratën paraprake të distancimit nga veprimet dhe aktet e lartpërmendura”, thuhet në njoftimin e MPJD.
Patriarku Porfirije ka planifikuar të vizitojë Patrikanën e Pejës dhe disa objekte të tjera ortodokse në Kosovë.
