Pas mbërritjes se pluralizmit, 5 janari i vitit 1991 shënon për shqiptarët lirinë e medias. Me shkrimin kryesor ne ballinë ”Fjala e parë”, para 32 vitesh u botua numri i parë i gazetës “Rilindja Demokratike”.
Ajo vijon te jete dhe sot organ zyrtar i Partisë Demokratike, forca e pare politike pas rrëzimit të diktaturës gati gjysmeshekullore.
Sali Berisha solli përmes një postimi në Facebook pak histori të atyre ditëve, ndërsa theksoi se “Rilindja Demokratike” ishte zëdhënëse e fjalës së lirë, revolucionit demokratik të viteve 1990, si dhe të interesit e çështjes kombëtare.
Kreu i PD-së sjell ne vemendje edhe vitin e kaluar kur, teksa thotë se, ‘’me gjithë presionin dhe perpjekjet për t’i mbyllur gojën dhe vënë bravë gjatë problemeve të brendshme të Partisë, ‘’Rilindja Demokratike’’ vjen në 32 vjetorin e saj përsëri si organ i të vërtetës e që, sipas tij, përballet, me ate që Berisha e quan ‘’pushtet te korruptuar dhe të inkriminuar të Edi Ramës’’.
