Ish-ambasadori Agim Nesho tha në një intervistë për Euronews Albania se deklarata e ministrit britanik për shqiptarët është bulliste dhe e papranueshme por faji për këtë qëndrim sipas tij duhet kërkuar brenda vendi.
Nesho u shpreh se ky qëndrim tregon një përbuzje të qeverisë britanike ndaj atyre që e kanë krijuar këtë situatë në marrëdhënien mes dy vendeve për çështjen e emigrantëve që është qeveria.
“Ka arritur një shkallë e tillë e vlerësimit të ecurisë së gjërave në Shqipëri sa edhe ata ndiejnë një lloj përbuzjeje për atë që e ka krijuar këtë situatë mes dy vendeve. Britani është përpara një fushate elektorale dhe çështja e emigrantëve është kali i betejës për konservatorët. Shqipëria jo vetëm nuk bën punët e saj dhe ka krijuar një tension brenda vendi duke nxitur shpopullimin, por shqetëson edhe aleatët tanë me të cilët duhet të bashkëpunojmë në këtë situatë gjeopolitike në botë”, tha Nesho.
