“Telefonatat dhe mesazhet mes Charles Mcgonigal dhe kryeministrit shqiptar, Edi Rama ishin të përditshme, ndërkohë që ai më dërgonte foto kur ishte në takim me Ramën”.Kështu ka deklaruar ish-e dashura e Mcgonigal, Allison Guerriero, në një intervistë për “One America News”.
Është raportuar gjithashtu për biznesin e Charles në Shqipëri…
Kam shkruar: Çfarë dreqin po bën ai në Shqipëri, duke i dhënë burimet e FBI-së kryeministrit të atij vendi.
Kryeministrit Rama?
Kryeministrit Rama. Unë e shkrova këtë në Twitter por shpejt e fshiva një fotografi të Charles me kryeministrin Rama.
Allison, çfarë dije për marrëdhëniet e tij të biznesit në Shqipëri në atë kohë?
Mendoja se ata janë një vend aleat i NATO-s, ndjeja se ata po vinin te FBI, te vendi ynë, që t’i ndihmojmë të çrrënjosin korrupsionin. Por rezulton se Charles, pasi lexon aktpadinë, nuk kishte asnjë qëllim që të çrrënjoste korrupsionin. Dua të them, Edi Rama është ndoshta politikani më i korruptuar për të cilin kam dëgjuar.
Sipas dokumenteve ai ka bërë disa udhëtime në Shqipëri për të ndihmuar kryeministrin Edi Rama, përfshi edhe në shtator të vitit 2017. Ju ishit bashkë në atë kohë…
Ne ishim. Ai e telefononte dhe i shkruante mesazhe çdo ditë.
Edhe pse ky udhëtim pjesërisht kishte të bënte me FBI-në dhe misionin e tij, por kishte një qëllim jozyrtar, që të ndihmonte kryeministrin Edi Rama që të sulmonte kundërshtarët dhe McGonigal ishte shumë i përfshirë në këtë…
E dini, nuk e di shtrirjen e këtij implikimi, ajo do dalë në gjykatë.
Por në periudhën 2017 kur ju shkruanit dhe merrnit mesazhe nuk kishit asnjë…
Asnjë shenjë. Ai më dërgonte mua foto nga Kosova kur ishte atje. Më dërgonte foto nga hoteli, që ishte shumë modern. Shkruante që ka shumë zhurmë dhe nuk mund të fle, gjëra të tilla. Ai më dërgonte foto dhe shkruante “shiko, ky është kryeministri i Shqipërisë”.- është shprehur Allison.
