62-vjeçari e ka mbuluar Ligën e Kampionëve të BT Sports për gjashtë vjet deri në vitin 2021.
Pa kaluar 24 orë nga pushimi i tij nga BBC, nisin ofertat për Gary Lineker! BT Sport kërkon që prezantuesi të rikthehet për mbulimin e sezonit të ardhshëm të funtbollit. 62-vjeçari e ka mbuluar Ligën e Kampionëve të BT Sports për gjashtë vjet deri në vitin 2021.
“BT Sport do të rihapet si TNT Sports këtë verë pasi u mor përsipër nga Warner Brothers Discovery dhe sipërmarrja e përbashkët janë në treg për prezantimin e talenteve. Zyrat e reja do të jenë pikërisht pranë vendit kur jeton Lineker, ndaj nuk besojmë se do të jetë e vështirë që ai të pranojë,”- thuhet në njoftim.
Vendimi i befasishëm i BBC për të pezulluar Lineker të premten pasdite ka pasur një ndikim shkatërrues në planifikimin e tyre sportiv në televizion dhe radio këtë fundjavë pasi kolegët e ekspertët dhe komentuesit refuzuan të punojnë në shenjë solidariteti me kolegun e tyre.
Ç’ka ndodhur?
Lineker nuk do të prezantojë “Match of the day” këtë fundjavë pasi BBC njoftoi se postimi i tij i fundit në ‘Twitter’ që krahasonte planin e qeverisë për emigrantët e paligjshëm me Gjermaninë naziste shkelte rregullat e paanësisë. Korporata tha se Lineker do të tërhiqej nga prezantimi i programit derisa ai dhe shefat e tij të binin dakord për përdorimin e tij të mediave sociale.
E gjitha nisi pasi, sipas Lineker e komentoi çështjen e emigrantëve si një politikë jashtëzakonisht mizore të drejtuar ndaj njerëzve më të cenueshëm në gjuhë jo të ndryshme nga ajo e përdorur nga Gjermania në vitet ’30. Sekretarja e Brendshme, Suella Braverman iu përgjigj duke u shprehur se ishte e fyer nga këto komente.
