Vizita e parë shtetërore e Mbretit Charles III në Francë është shtyrë për arsye sigurie, pasi francezët janë duke protestuar dhe përleshur me policinë, kundër reformës së pensioneve.
Lajmi është bërë i ditur nga presidenti francez, Emmanuel Macron, i cili tha se udhëtimi zyrtar ka gjasa të ri planifikohet për fillimin e verës. Macron tha se “vizita shtetërore nuk do të kishte kuptim” në mes të protestave mbarëkombëtare.
Një vendim i përbashkët u mor nga qeveria britanike dhe ajo franceze, pasi sindikatat kërkuan vazhdimin e protestave. Udhëtimi do të ishte tre-ditor në Francë, i cili do të pasohej nga një vizitë shtetërore në Gjermani.
Francezët janë duke protestuar kundër reformës së pensioneve të miratuar nga qeveria ‘Macron’. Më konkretisht do të thotë, se që prej fillimit të prillit, francezët do të dalin në pension në moshën 64-vjeçare dhe jo 62 siç ishte më parë.
