Kampioni i Anglisë, Manchester City, për disa javë do të jetë pa mesfushorin Rodri dhe mbrojtësin e krahut të majtë, Oleksandr Zinchenko.

Trajneri i Cityt, Pep Guardiola, të premten në konferencë për shtyp ka zbuluar se të dy futbollistët do të mungojnë për disa javë për shkak të lëndimeve.

Zinchenko do të pauzojë rreth gjashtë javë pas operimit në gju, derisa Rodri pritet të jetë i gatshëm brenda katër javësh. Rodri ka pësuar tërheqje muskuli në ndeshjen e Ligës së Kampionëve kundër Atalantas të martën mbrëma.

“Do të jemi për disa javë pa Rodrin e Zinchenkon, mungesën e të cilëve duhet ta kompensojmë. Shpresoj që Rodri të jetë i gatshëm muajin tjetër, derisa Zinchenko në dhjetor”, ka thënë Guardiola.