Ambasadorja Audry Glover ishte sot në një qendër votimi në Tiranë për të vëzhguar nga afër procesin e votimit, për të cilën do të prezantojë nesër dhe një raport.
“Do të vëzhgojmë të gjithë procesin deri në fund të tij dhe më pas do të bëjmë vlerësimin përkatës. Situata duket e qetë ndoshta për shkak të motit” deklaroi shefja e misionit të OSBE/ODIHR në një prononcim për median pasi doli nga një qendër votimi” tha Glover.
Procesi i mosfunksionimit të pajisjeve të identifikimit elektronik do të jetë nën vëzhgimin e tyre.
“Po e shohim dhe pas vëzhgimit këtu do të shkojmë të shikojmë dhe votimin e lektronik për të krijuar një ide më të qartë se çfarë ndodh në terren.”
Glover pranoi se ka ende pyetje pa përgjigje për procesin para zgjedhor.
“Sigurisht që kemi vëzhguar procesin para zgjedhjeve ka akoma pyetje pa përgjigje lidhur me procedurat. Do të presim përfundimin e procesit për të bërë vlerësimin përfundimtar. Të hënën do të prezantojmë raportin”
Nuk pranon të bëjë një krahasim mes këtij procesi elektoral dhe të proceseve të kaluara.
“Të gjitha zgjedhjet janë të rëndësishme. Sidomos për votuesit, sepse zgjedhjet na tregojnë se cfarë kërkojnë votuesit dhe kë duan të zgjedhin ata. Ne kurrë nuk krahasojmë proceset zgjedhore sepse ata nuk janë kurrë të njëjta. Çdo zgjedhje është më vete. Zgjedhjet e fundit lokale ishin të njëanshme”
Zgjedhjet për pushtetin vendor po ndiqen nga misioni i vëzhguesve ndërkombëtarë të ODIHR-it, i kryesuar nga ambasadorja Audry Glover. Një grup prej 24 vëzhguesish afatgjatë kanë ndjekur procesin parazgjedhor që prej 13 prillit. Misioni kishte kërkuar një prani prej 300 vëzhguesish afatshkrutër nga vendet anëtare të OSBE-së, por vetëm afro 165 kanë mbërritur në Shqipëri.
