Shqipëria është një vend i vogël, por ka shumë për t’u krenuar. Mes tyre kemi edhe artizanët që na pasurojnë më shumë vlerat kulturore në vendin tonë. Alba Ruço tregoi këtë të mërkurë se Argjendari Pirro është munduar që elementet e kostumografisë shqiptare t’i sjellë në një formë më moderne dhe unike.
Ajo pohoi se kjo gjë pëlqehet shumë nga turistët e huaj. Këtë gjë e konfirmon edhe Blendi Fevziu. Madje ai rrëfeu se kur shkon në darka ose dreka në shtëpitë e ambasadorëve të huaj shikon gjithmonë që kanë diçka tradicionale që përfaqëson Shqipërinë.
“E vë re që kur shkoj zakonisht për ndonjë darkë, ndonjë drekë në shtëpitë e ambasadorëve të gjithë kanë o një xhubletë, o një sumbull jeleku, o ndonjë gjë nga këto të vendosura nga shtëpitë e tyre”, tregoi Fevziu.
Ndërkohë Ruço u shpreh se: Në fillim e kanë nisur shqiptarët duke jua dhuruar të huajve. Është vlerësuar aq shumë nga të huajt saqë shqiptarët e kuptuan që janë shumë të bukura dhe filluan pak nga pak edhe shqiptarët ta vlerësojnë artin tonë, artin vendas.
