Në kuadër të Javës Italiane, iu dedikua një ditë speciale arbëreshëve. 21 komuna dhe 3 provinca, krijuan në sheshin “Italia” një spektakël të kostumeve, këngës e traditës së tyre.
“Thonë se kur Skënderbeu vdiq, u shfaq Shën Mëria dhe tha: Shqiptarë ejani me mua sepse do t’ju shpie atje ku do të gjeni atdheun tuaj të ardhshëm…”
Kostumet shumëngjyrëshe unike, bizhuteritë antike, gjuha e ëmbël arbëreshe edhe në këngë të traditës pushtuan këtë fillim javë sheshin “Italia”… Në Javën Kulturore Italiane i dedikon një ditë arbëreshëve…
“Filli lidhës i të gjitha aktiviteteve që kemi mbajtur është kjo miqësi e madhe mes Shqipërisë dhe Italisë, dhe ju e dëshmoni më së miri këtë marrëdhënie shekullore mes dy vendeve”, thotë ambasadori Fabrizio Buçi.
