Një i dënuar me burgim të përjetshëm është vetëvarur në tualetin e dhomës së tij në spitalin e burgjeve duke ndërruar jetë. Policia e Burgjeve sqaron se ka ndërruar jetë Njazi Ceka, 86 vjeç, ndërsa ngjarja ka ndodhur rreth orës 05:20 të ditës së sotme.
86-vjeçari ishte shtruar në Spitalin e Burgjeve me 01.06.2023, për probleme kardiake dhe kishte ardhur nga IEVP Durrës, ku ishte i akomoduar në Seksionin e Kujdesit të Veçantë, për arsye të gjendjes së tij shëndetësore.
Të dënuarit iu dha ndihma e parë, por që nuk ka mundur të mbijetojë.
Institucionet e prokurorisë dhe policisë gjyqësore janë duke kryer hetimet për shkaqet e vdekjes së Njazi Cekës dhe veprimeve të stafit.
