Shefja e re e Twitter, Linda Yaccarino, ka deklaruar se misioni për kompaninë Twitter është të bëhemi burimi më i saktë i informacionit në kohë reale në botë.
Ajo tha se kjo do të ndihmonte “të çonte qytetërimin përpara përmes shkëmbimit të pafiltruar të informacionit dhe dialogut të hapur për gjërat që kanë më shumë rëndësi për ne”, sipas BBC.
Musk, i cili është vetë-përshkruar “absolutist i fjalës së lirë”, ka kritikuar politikat e Twitter për moderimin e përmbajtjes, duke argumentuar se duhej të ishte një forum i vërtetë për fjalën e lirë.
Që kur bleu Twitter vitin e kaluar për 44 miliardë dollarë (35 miliardë paund), Musk ishte nën presion për të gjetur dikë që të drejtonte firmën në mënyrë që të mund të fokusohej në bizneset e tij të tjera, të cilat përfshijnë prodhuesin e makinave elektrike Tesla dhe firmën e raketave SpaceX.
Zonja Yaccarino vlerësohet se ka ndihmuar në drejtimin e gjigantit mediatik NBC Universal përmes trazirave në industri të shkaktuar nga ndryshimi i teknologjisë.
Ajo tani mbikëqyr operacionet e biznesit në Twitter, ndërsa Musk vazhdon si kryetar ekzekutiv i kompanisë dhe shef i teknologjisë.
