Lojërat Europiane 2023, një ekskluzivitet i RTSH, kanë nisur rrugëtimin e tyre në Krakov të Polonisë. Në ceremoninë e zhvilluar, parakaluan dhe 11 sportistët shqiptarë pjesëmarrës në këto lojëra me flamurin kuqezi, që mbahej nga Alban Beqiri.
Ky është edicioni i tretë i këtyre lojërave dhe do të mbahet nga data 21 qershor deri më 2 korrik dhe Shqipëria është një nga 48 shtetet pjesëmarrëse. Ekipi kuqezi, me 11 sportistë, pretendon medalje në disa disiplina, si Boks apo Karate.
Lojërat Europiane janë një eveniment i rëndësishëm, pasi do të shërbejnë dhe si një trampolinë për sportistët për në Lojërat Olimpike, “Paris 2024”.
