Prej disa vitesh furrat e bukës i kërkojnë ERE dhe FSHU për një tarifë standarte për energjinë elektrike.
Në furrat e bukës janë të instaluara dy matës të energjisë elektrike, duke bërë në këtë mënyrë dy tarifime të ndryshme: 7.6 lekë për kilovatorë për ata që prodhojnë vetëm bukë dhe 14 lekë për kilovatorë për ata që prodhojnë edhe brumëra e pastiçeri.
Paralajmërimi për shtrenjtim të çmimit të energjisë për furrat e bukës që shesin edhe produktet të tjera ka prodhuar reagimin e shoqatës së këtyre prodhuesve. Sipas tyre, vendimi i Entit Rregullator të Energjisë krijon kosto, ndërsa zgjidhja që ofrohet prej entit, për ndarjen e sahateve, nuk shihet si e realizueshme.
Shoqata e Bukës, Pasticerive dhe Brumërave propozoi modelin e saj të tarifave. Shoqata tha se furrat e bukës të jenë në ambiente të ndara pa çertifikatë pronësie dhe me sahat e matës të veçantë. Ndërsa prodhimi dhe shitja e pastiçerive dhe brumërave ku nuk ka prodhim buke të jetë me tarifë 140 lekë për kilovatorë.
I pyetur nëse do të rritet çmimi i bukës në rast se nuk marrin ndihmë që kërkojnë nga qeveria, kryetari i shoqatës tha se ende nuk është marrë një vendim. Sipas tij janë rreth 4000 furra buke në të gjithë vendin që e paguajnë energjinë elektrike me një çmim.
