Harry Kane dëshiron të kalojë te Bayern Munich, siç kanë raportuar njëzëri së fundmi disa media. Prandaj, Mynihu dhe ylli i Anglisë kanë rënë dakord për një transferim në verë.
Siç është bërë tashmë e ditur, megjithatë, Bayern do të ketë konkurrencë. Paris Saint-Germain thuhet se po futet në garë për Kane. Arsyeja është se klubi francez kërkon një zëvendësues për Kylian Mbappe, i cili është i gatshëm të ndryshojë ekip këtë verë.
Parizienët jo vetëm që janë gati të kalojnë Mynihun për sa i përket tarifës së transferimit, por gjithashtu duan ta joshin 29-vjeçarin me një pagë më të lartë.
Tottenham, kërkon të paktën 115 milionë Euro për golashënuesin e tij më të mirë.
Bayern bëri një ofertë fillestare prej 70 milionë Euro plus pagesat e bonusit këtë javë, e cila u refuzua menjëherë, ndërsa tashmë gjermanët po përgatisin një propozim tjetër.
Edhe nëse Parisi është në një pozitë më të mirë financiarisht, Bayern nuk është pa shanse pasi ka rënë dakord me Kane dhe sipas raportimeve, ylli anglez nëse largohet nga Spurs në verë dëshiron të kalojë vetëm tek kampionët gjermanë të rekordeve.
